"sit tibi terra levis"

Gregorio sit terra levis, ver adsit et urnae,

terra ferat flores, urna liquore fluat.

Plaudat et huic Latium tumulo plaudatque iuventus

Itala, Gregorio et, Umbria, plaude tuo.

Philippus ille candor, ille et optimus

sophos iacet lapisque candidissimus

tegit, tegit Bononiae, Bononiae

iubar. Viator, asta et inspice, inspice.

Mane, mane, Philippus ille te obsecrat,

rogat, preceris omnibus sacrum omnibus,

qui iter dedit, dedit. Lapis quoque obsecrat,

preceris, ut rogi leves eum opprimant.