Hendekasyllabus (alkäisch)

Hic vester ille est, Galle, Ruellius.

Mentis tam acuto lumine praeditus,

perinde vultum nosset ut aetheris,

seu laeta nobis seu mala plurima

cordis recessu conderet intimo,

ac si fuisset sensibus omnibus

coniunctus astris, et reor, hercule!

Nam, quae reliquit, scripta sat arguunt,

nostris bonis tam commodum et utilem

aut esse divum aut munere proximum.