131.1 Roberto Valturio* Queis diruendis turribus et edomandis urbibus usa est vetustas, machinis dum restitutis denuo se muniit Valturius, Morti, Charonti et Aeaco formidolosus factus est.
55.1 Pietro del Riccio Baldi (‚Crinito‘) Priscos poetas vivere, Crinite, dum doces, obis. Ergo tibi superstites debent poetae non minus: Ipse amplius nihil volens debere dono carmine hoc te sepulchro conditum.
56.1 Girolamo Donà Donate, divum munere fudisti ut orbi nectaris, quantumque manat gratiae divino ab ore caelitum, servasti et exul patriam. Diis restitutus denuo orbi querenti deseris nil praeter ossa et lacrimas.
29.2 Demetrios Chalkokondyles* Dum ver Hymettium diu nequicquam apis quaerit vaga, in os sacrum Chalcondyli et labra suaviflua incidens „Heus“, inquit, „aequales bonae, huc, huc adeste, sedulae, matrem videtis Attida."
Feedback
131.1 Roberto Valturio*